Monday, April 13, 2009

WASTONG GAMIT: MAY, MAYROON

May pulis, may pulis sa ilalim ng tulay.
May bibit na bayong ang pulis sa ilalim ng tulay.


Ang mga salitang may at mayroon ay halos magkasintulad ang kahulugan. Ang pinagkaiba lamang ay ang paggamit nito ng wasto sa pangungusap. Naaayon ang gamit sa sinusundang salita.

A. May ang ginagamit kung ang sumusunod na salita ay

1. Panggalan (noun) -
Halimbawa:
a. May pulis sa ilalim ng tulay.
b. May ipis ang iyong pagkain.

2. Pandiwa (verb)
Halimbawa:
a. May umaawit sa banyo.
b. May umaalulong na aso sa tumana.

3. Pang-uri (adjective)
Halimbawa:

a. May isang linggo na siyang hindi pumapasok sa paaralan.
b. May magarang sasakyan ang iyong kuya.

4. Pang-abay (adverb)
Halimbawa:
a. May iisa siyang salita.

B. Ang mayroon ay ginagamit kung ang sumusunod na salita ay isang kataga, panghalip na panao (personal pronoun) o pamatlig at pang-abay na panlunan (adverb of place).
Halimbawa:
1. Mayroon siyang malaking suliranin sa kanyang asawa.
2. Mayroon kayang pasok bukas?
3. Mayroon itong mabisang sangkap laban sa pagtatae.
4. Mayroon na ba siyang gamit sa pananahi?

Ginagamit din ang mayroon sa pagsagot sa tanong:
Halimbawa:
May asin na kaya ang sinangag?
Mayroon na.

10 comments:

zap_poz said...

Thanks sa pagturo ng info.. XD

aldhez said...

thanks for this i have now my assignments !!!!!!!!

shyro said...

Yeah., thanks a lot and I can answer now my assignment! :D

Anonymous said...

Salamat sa info....... bukas kasi ang finals namin...... :)

Anonymous said...

Salamat sa kaalaman na ito

Anonymous said...

Salamat po dito. Nakita ko po ito sa isang reviewer at medyo naguluhan ako kung ano nga ba pinagkaiba nila.

Ian Patarata said...

Sira ulo daw po kayo sabi ng teacher ko

Anonymous said...

Bakit naman?

Anonymous said...

Ian Patarata, mali paggamit mo ng daw. Ang tama ay "raw".

Tiradauno said...

Gusto mo ba ng online work?
Earn while you enjoy time with your Family & Lovedones!
Email me: tirada_uno_23@yahoo.com / tiradauno@gmail.com / n.helphelphelp@gmail.com
For more details, kindly visit http://www.unemployedpinoys.com/